Муассисаи Давлатии Ташаккул ва Рушди Соҳибкории Тоҷикистон тибқи қарори Ҳукумати Ҷумҳурии Тоҷикистон аз 26 декабри соли 2018 бо мақсади рушди фаъолияти соҳибкорӣ дар кишвар таъсис дода шудааст.

Вазифаи асосии Муассисаи мо аз таъсиси бизнес-инкубаторҳо дар панҷ минтақаи ҷумҳурӣ иборат аст, ки дар онҳо машваратҳои доимӣ, барномаҳои инкубатсионӣ, тренингҳо ва дигар барномаҳои таълимӣ ташкил карда мешаванд.

Фаъолияти мо аз самтҳои зерин иборат аст:

• мусоидат ба густариши фарҳанги соҳибкорӣ - баланд бардоштани огоҳии мардум дар робита ба имкониятҳои соҳибкории кишвар;
• муайян кардани тадбирҳои инноватсионӣ ҷиҳати ҳалли мушкилоти мавҷудаи иҷтимоию иқтисодӣ;
• татбиқи ҷараёни инкубатсияи лоиҳаҳои ҷадиди соҳибкорӣ ва суръатбахшӣ дар корхонаҳои хурд ва миёна;
• машваратдиҳии соҳибкорӣ;
• рушд ва мустаҳкам намудани стартап-экосистема дар минтақаҳо;
• мусоидат ҷиҳати дарёфти лоиҳаҳои сармоягузорӣ.

Дидгоҳи мо:

Иқтидори соҳибкорӣ ва инноватсионӣ асоси рушди иқтисодиёти миллии Тоҷикистон мебошад!